Eden From Kolo Pilah

Selamat Tinggal Romeo

2010-06-07T16:45:00.002+01:00

Lopeh hampir 4 bulan den tak nulis dalam blog ni, den nak ucapkan selamat tinggal pada blog ni dengan ucapan; "Selamat tinggal Romeo".

Den skrg sibuk dgn projek maso dopan.
Den chow dulu.

Sayonara beb.

Website dalam dunia perniagaan tanpa sempadan.

2010-01-22T00:08:00.002Z

Alhamdulillah.
Website den dah siap diiklankan kat dunio. Salam 1Dunio lah kiro eii ni.
Sapo2 yg tak tengok lae website den.....nahhhh.....tengok lar....http://tej-hardware.com/

Customer den yang pertama, orang dari Kuantan.
Dio bank in ca$h, duit clear, barang bole hantar. Ko org mungkin tertanyo-tanyo, apo barang den antar kan.
Jadi untuk bagi service yg baik, barang yg dio order tu den antar 'hand carry'.
Apo ko orang ingat den poi kandar ko bondo tu sampai ke Kuantan tu?
Kok camtu.....bengkok pinggang den ni ha.
Ari Ahad maso tu.

Selamat antar bondo tu den roger2 member lamo den. Dio tinggal kat Kerteh bukak kodai hardware kat situ.
Sambil minum air, makan nasi........den pun terus ke kerteh.
Den tido situ semalaman. Pusing2 kat Kerteh dan Kemaman.
Dapek keropok ikan parang duo guni, den pun balik ke Seremban...ikut jalan Muazam Shah.

Alhamdulillah, sekali lae org kuantan tu repeat order.
Untuk order ni den takyah antar doh.
Apo yang den buek, cumo pos kan bondo tu.
Kalau nak pos guna pos malaysia... mahal. Untuk save cost dan increase profit den pos kan guna bas express yo.

Sekarang ni GM den sibuk menerima panggilan talipon dan fax utk dptkan quotation barang.
Sampai kan malam2 pun dio dapek panggilan....ado minah indon nak mintak kerja........wallah...wallah nengggg.

Next Step.........

2009-11-20T11:47:00.003Z

Lamo dah den tak naip dlm blog ni.

Skrg ni tongah nak mempromosi TEJ Hardware kat dunio tanpo sempadan.
Step by step.........den dah mulo upload gambar isi porut dalam kodai den tu.
Nak muntah ghupo eii buek bondo ni....patutlah mahal dio ornag charge untuk buek bondo ni.
Ni baghu tak sampai setongah layer rak barang dalam kodai den tu. Bilo nak abih den pun tak tau ler. Tapi yg pasti eii,,,ari-ari den kono upload bondo2 tu.

Nilah hasil kerja tangan den.....
http://tej-hardware.com/

Lopeh ni den nak buek ...Door to Door Service lak.
Buek maso ni.....Door to Door Service cumo untuk area Bandar Baru Bangi dan Taman Panchor Jaya Seremban.
Delivery service....Free of Charge.
Term.......Cash on Delivery.....jgn lupo bayaran dalam Ringgit Malaysia.
Jangan lak ko orang boghi Rupiah lak......

Lopeh den abih buek laman sesawang utk kodai den ni....sesapo nak upahkan den buek laman sesawang, buleh roger den.
No hal bro........

Road tO kOlo piLah - final

2009-09-03T05:43:00.006+01:00

Tongah den bersantai-santai drive dengan berderet2 pengguno jalan yang lain on the way ko Seremban, tetibo ado mamat ni dengan tak sabar motong kreta den dan terus panchung dopan den ...tanpa bagi signal pun.
Den dah duo tahun tak jumpo bondo2 camni...........ati den copek yo menyirap eiii.

Kok bondo2 camni...... kaki den copek yo bertidak balas......tokan pedal minyak terus pancung balik mamat tu.......pembuli jalan dah kembali.......
Sebonar eii den dah duo minggu balik ke m'sia ni..

Nampak eii plan Road to Kolo Pilah terpaksa dibatalkan disebabkan penaja-penaja utama dan penyokong-penyokong dah tak sehaluan. Jadi den balik ke Kolo Pilah ikut jalan udara.
Setahun awal dari plan.

Ruangan Iklan.

Haaa....kat bawah ni ado kodai hardware.....sapo2 nak boli barangan utk pembinaan ado den jual........dan sapo2 yang nak amik alih biz den ni pun den buleh bagi........boleh bincang punyo.......
Lopeh ni den nak carik cawangan baru.......Kalau kao orang ado lubang baikkk punyo.....roger2 ler den.

Confederations Cup - Brasil vs USA

2009-06-29T12:20:00.013+01:00

Bilo sobut pasal bolasepak ni......den sebonar eii minat gak dgn sport ni. Tapi takdo lah DieHard Fan doh. Setakat poi stadium tengok game sambil jorit2 dan buek 'Maxican Wave' tu bole lah.

Kalau kat sini nak tengok bola 'live' tu tak sesusah kat M'sia....sampai bersongkang mato kalau nak tengok.

Semalam 'Confederations Cup', Brasil lwn USA baru abih. Maso 1st half den tengok, team Brasil ni macam siul jer. Tak bole blah dgn mamat USA. Tapi dio orang memang '1st class'. 2nd half dio org pulun balik utk monang. Tahniah ler. Bilo lar bolasepak M'sia bole jadi camtu agak eii.
Mungkin bole kut....... kalau M'sia boli player Brasil yang tak terpilih utk bermain dalam team Brasil.

Team Brasil lopeh monang semalam.

Tapi sebonar eii....ghamai player m'sia yang tak terpilih utk main dalam team M'sia membawa diri ke England ni utk mencubo nasib jadi pemain 'Pro............

Kat bawah ni mereka2 yang tersingkir dalam pemilihan pemain utk Team M'sia tapi berhijrah ke England utk cubo masuk dlm Team England lak......he he

Team 'Kampung Darnall'
Keeper tu skrg tongah training dgn 'Team Junior Manchester City'. Mungkin bole jadi Player M'sia sok.....sapo tau.

Main bola pakai jeans............punnn bolehhhh
Cam ni ha kalau nak tondang bola.......kudo-kudo kono kuek........tangan kono camni....stand-by. Mano la tau kalau nak karate pihak lawan........

Sebonar eii den tak main doh.....stand-by utk ganti pemain gantian jer........
Lagi pun den tau....team den tu mesti kalah punyo.
Kalau den main......lae kalah bosar.

Kalendar Musim Paneh 2009

2009-06-18T21:32:00.032+01:00

1. Badminton All England.
Bilo sobut Badminton all England ni...........yang mengikut perkembangan sukan no entah berapo kat m'sai tu akan terbayang stadium tertutup Birmingham, sobab selalu eii...stadium ni dio orang gunakan untuk acara ni.

Tapi kito orang kat sini main kat Concord Sport Centre jer.
Kat bawah ni aksi -aksi hebat pemain M'sia kat England ni.

haaaa.....yang ni 'smash' laju bona.........tu yang gambar 'blur' tu.

Yang ni.......pemain 'junior'.....juara All England tahun 2020 sok.

Adusss......'tak aci ler main cam ni'............bola yang den paling bonci nak amik......bilo dio orang bagi 'drop short'.....,,,,kau tengok sampai merangkak den nak amik eiii......
Tapi cam biaso ler......regu den ni sebonar eii nak cukupkan orang jer. he he he. Lobih kurang 'permainan pertunjukkan' / sarkas lah gamak eii...

Para pemenang dan para jurugambar berposing nakal.

2. Car Boot Sales.
Setiap ujung minggu orang ghamai berduyun2 poi ke 'CarBoot Sales'.
Apo yang ado kat situ? Macam-macam adaaaa.............(iklan Astro dulu-dulu).
Barang2 eii seperti bondo2 dalam rumah, luar rumah.......sampai lah apo yang ado ateh jalan raya.....kreto/moto/basikal.

Barang yang ado kat sini murah2....sobab dio orang yang jual ni dah taknak lae barang2 tu.
Daripado menyomak kat umah dio orang .....lobih baik jual murah.
Dapek gak orang lain gunoan.
Kalau poi "Car Boot Sales", bawak 10 pound pun dah cukup untuk ponoh kan boot kereto.

Dio orang kat sini kureng yang suko buang bondo2 yang tak guno.....dio orang lobih suko re-cycle. Salah satu re-cycle eii...camni ler atau sedokah kan kat memano badan amal. Kodai 'Bundle' kat mesia tu adalah contoh brg2 terpakai yang terlopeh dari sini.

Bawah nie apo yang den sompek rakamkan gelagat2 pengunjung 'Car Boot Sales' ni.....

Excuse me....@$$#!&*^#!^%

Pilih acik oiii....
Jangan tak pilih!

Aik...
sompek posing lak....

Bilo dah ponek......rehat jap bawah pokok sambil2 menelek "hasil tangkapan".

3. Picnic/BarbeeQ
Maso ni ler orang kat sini sibuk ber babeeQ kat sano....ber babeeQ kat sini.
Jadi maso ni ler kito orang guno kan untuk beramah mesra dengan kengkawan dan rakan taulan.
Kalau musim sojuk....tak sompek bona, sobab siang ei pendek jer.

sukanika utk kanak2 riang.

yang ni utk mak bapak riang....

bergambar sekampung......

Kat sini bilo musim paneh.......omputeh mulo bukak-bukak.........
Sampaikan biri-biri kat bawah ni pun dio orang bukak kan baju eiiii..........

Road tOur de UK - latihan intensif utk Road tO kOlO piLah

2009-06-18T21:18:00.013+01:00

Mulai 11hb Mei den memulokan latihan itensif pemanduan dengan member den Masoni.
Destinasi2 eii........paling jauh Edinburgh, Scotland di utara dan Cardiff, Wales di bahagian selatan.
Untuk menambahkan lagi ''trill'' eii den bawak bersamo2 basmati pakistan.

Sekali jalan....kito orang bawak duo tan boreh. Sebonar eii...........boreh tu baru sampai satu kontena.

Satu kontena 20 tan boreh....baghru tibo dari Pakistan

Si John nie tongah menurun kan boreh utk di susun dalam 'King Storage'.

Jadi........tu ler yang kito orang bawak sepanjang Rad Tour de UK.
10 ari habih boreh tu kito orang agih2 kat ko kodai-kodai seluruh UK ni.
Sebonar eii....satu kontena tu tak cukup utk di agih2 kan........banyak lae kodai yang tak ngaso.
Yang tak dapek boreh tu.......makan topung ler dulu ye.....ha hah ha.

Apo nak buek......tunggu jer ler next kontena.

Sebolom tu....posing dengan boreh dulu..........'Camera Man' punyo posing tu yang den x tahan nengok eiiii......
Anyway mamat ni ''Pro Camera Man'' tu.

Yang ni lak......salah satu mini market yang boli boreh tu....siap ditimbunkan eii kat cermin kodai eii tu untuk promosi.

Bilo perut lapar dan Bini balik kampung.

2009-06-18T20:56:00.014+01:00

Makan adalah pekaro paling mustahak untuk den pikirkan..........Bilo den tinggal sorang2....bini dgn anak den balik kampung satu purnama.........
Kat mano nak makan........apo menu ari nie.............
Kalau tak pikir......alamat kebulor ler perut den.........he he he.

Tapi macam den koba kan....den ni orang yang simple tontang makan ni.
Jadi apo2 pun buleh den makan.......janji konyang dan tidor leno......takdo lah perut menyanyi bilo tidor.

Menu2 utama yang biaso den makan adalah menu 'perang'.
Salah satu menu 'perang' yang den maksudkan ....macam kat bawah ni..

Menu: Ikan 'tapaan' dalam tin masak kentang perasa Tamarin

Menu: Nasi Goreng Omputeh

Amacam? Berselero tak kau orang nengok masakan den?

Jadi den memecahkan record sendiri dalam hal masak memask ni.
Sebolom ni den tak ponah masak camni punyo handal doh.........sobab omak den dulu tak dibagi eii den kalau nak nolong masak kat dapur doh............''kau poi sanun......tangan ontah mogang apo2 entah''....tu ayat standard omak den. Jadi sampai ler sekarang den maleh nak buek kojo masak-memasak ni.

Kalau den maleh gilo......den poi ler makan kat kodai Pak Arab.
Kat bawah ni contoh roti canai dari kodai Pak Arab tu.

Adusss.......bosa bona roti eii.......
Lotih den nak menghabihkan eii.........

Satu lae yang best eii....bilo jiran tetanggo dtg bagi 'tapaw' kat den. Ado yg anta nasi lomak, laska johor, mee goreng, nasi goreng dan lain2 lagi yang seangkatan dengan eiii.
Kalau dio org anta tu...den siap offer lg kat dio.....''camni amik tender masakkan utk den ler''.
Kalau ado bini angkat lae best kan.......he he he

Bank Holiday

2009-04-30T18:27:00.006+01:00

Ari Isnin 04hb Mei kat UK ni public holiday.

Den ni suko tengok kalendar. Apo yang suko tengok ialah tarikh cuti...public holiday. Walau pun dah x kojo cam kat SONY dulu. Maso kat SONY dulu....cuti mewah, sampai cuti tahun pun x dapek nak abihkan. Terpaksa carry forward ke tawun dopan. Maso tu Shima dengan Izan den selalu suruh cuti...walau pun dio orang takdo plan nak cuti...he he he. Den suko nyakat dio orang...bagi cuti ari rabu untuk poi picnic........wakaka.

Sampai sini den tengok kalendar ei ado banyak tulih 'Bank Holiday'. Dalam ati den...apo ke jadah eii den nak tahu bank punyo holiday! Dio punyo pasal ler. Sobab dulu dah lamo kojo kilang........dalam kepalo den......ingat dio orang kat bank tu mungkin cuti nak buek inventory....kiro duit kut.

Ghupo2 eiii....kat sini public holiday tu dipanggil 'Bank Holiday'. Dio orang kat sini tak sambut hari buruh 1hb Mei cam kito kat mesia. Jadi buruh cam den ni tak dapek ler menyambut ari tu..........
Tunggu ler bilo den balik M'sia sok....kito sambut samo2 ari buruh yo.

p/s:
1. sok tu maksud eiii bukan esok.........
2. sokgi maksud eii bukan esok pagi.......

bahaso negori ni sebona eii lobih banyak perkataan eii dari Bahaso Malaysia..........
nah den bagi lagu ni utk ko orang release tension...
http://www.youtube.com/watch?v=s5WncePZolA

rOad tO KolO Pilah

2009-04-09T14:35:00.014+01:00

Amacam..... Range Rover ni. Ado cam kreto mafia tak? atau cam dealer senjatapi? Tula deh.....bilo dok sorang2 den mulo ler berangan. Sebolom tu sapo nak ikut?

Ko tau tak.....ikut kemano? Sebona ei den nak balik ke Kolo Pilah naik Range Rover ni. He he he 3~4x
Amacam ado yang berani? Jadi sapo nak ikut....dio kono ado kekuatan mental dan fizikal.
Sapo2 yang kojo kono cuti berbulan2.....dan paling teruk pun bersedia untuk cuti selamo2 nya. Lain macam yo bunyi eii.

Plan awal den nak buek trip ni.....2 tahun dari sekarang. Setakat ni ado 3 'penaja' dah setuju untuk menaja den nyo 'trip' (TEJ Hardware, Srinura Ent, Kudang Ent). Den akan tampal 'sticker' penaja den kat 'dinding' kreto tu.

Ado lae yang berani nak jadi penaja? Kalu ado jangan memalu bg tau den. Semuo jenih sumbangan akan diterima. Perjalanan akan bermulo dari Sheffield, England.....melalui Eropah.....Asia tengah.....Asia Selatan dan Asia Tenggara.
Akan dilalui........19 buah negara dan akan singgah di berpuluh tompek2 yang menarik.

Sapo2 yg ado idea atau pengalaman bole lah syer dengan den. Tentang kreto, Visa, spare part kreto, safety, dan macam2 lae yang patut den tau atau den kono prepare.
Buek maso ni den dah mulo traning untuk kekuatan mental dan fizikal. Latihan memandu......

Ni deh....'simulator' yang den guno kan. Bilo den lotih den suruh Aiman bawak lak. Tapi selalu ei...den dengan Aiman race ler bro......... he he he

Bila Musim Berubah.

2009-04-07T18:59:00.022+01:00

Bilo musim dah berubah ni......tido den pun samo berubah.
Kul 4 pagi dah bangun solat subuh...pehtu maghrib kul 8 mlm.

Bilo siang panjang....maksud eii aktivity 'luar darjah' akan bertambah. Satu ketika nanti matohari terbit kul 2.30 pagi dan terbonam kul 9.40 mlm. Tahun ni poso pun lamo ler nampak eii...........waduhhhhh.........cobaan. Nak poso kat mesia yo ghaso eiii...........

Musim sojuk dah dokek nak abih......Sekarang ni seram2 sojuk jer yang tinggal atau suam2 kuku kato org.

maso musim sojuk.......

Ni bilo
suhu suam2 kuku.

mertuo ku suko bona dongan bungo.......
nah ko........posing punyo posing ghupo eiiii bungo kat kubor....he he he 3x.

Dah ponek ler tu........

Striker Liverpool!

Lopeh ponek main bola..........makan ice cream dan minum air.............harguih tu.........

Malu Bertanya Sesat Jalan.

2009-04-04T19:15:00.005+01:00

'Aiman! cepat la jalan tu...terhegeh-hegeh.......'kato den.
'Abah tau ke tempat dia? tanyo Aiman.
Alaaa.....senang je........tengok ....orang ramai jalan ke mana?....kato den.

'Haaa...tu ada orang Pakistan tu.......dia pakai ketayap...mesti dia nak pegi masjid tu'.....kato den kat Aiman. Jom kita ikut dia.

Kito orang pun ikut ler belakang mamat tu..........mamat tu jalan laju jer...macam dah lambek bona nak ke masjid.
Dia jalan tepi kodai......kito orang berduo pun ikut le sambil 'window shopping'....nengok brg2 yang ada topi kedai tu.

Laaa....mamat tu masuk dalam kodai letrik. Ingat kan dio nak poi solat jumaat kat masjid.......
'OK laa man...kito tanyo oranglah........

Pehtu selisih dgn awek bertudung ( jambu awek tu....pakistanko hindustan ko turkistan ko ...camtulah ).......
'Excuse me....@##%&%@@#% masjid?....Awek tu pun dengan panjang lebar tunjukkan arah nak poi masjid. Rupa2 eii.....jauh lae..... Den dengan Aiman pun sambung jalan....lelaju....takut tak sompek solat jumaat.

Sampai kat masjid.....dah dokek nak ponuh. Tok imam tongah baco kutbah. Den dgn Aiman sepatah haram tak tau apo yang dikobaan eii. Bahaso Urdu.
Bilo tok imam dah abih.....qamat.......pehtu semuo bangun tuk solat jemaah. Den berduo pun bangun.
Bilo abih rakaat keduo.....semuo bangun. Aik...apolak ni....tadi den niat duo rakaat...camno lak dio orang ni lobih rakaat lak solat jumaat eiii. Den bagi salam....den tengok aiman pun bagi salam. Laaa....dalam masjid tu den duo orang jo yang duduk....yang lain solat lae.....

Lopeh lagi duo rakaat tok imam pun salam. Ghupo2 eii...dio orang solat zohor daa.........
Lopeh solat zohor....baru dio orang solat jumaat lak........
Sekali lae kito org solat duo rakaat..............al-kisah jumaat pertama kat bumi England......cheers mate.

Kesetiaan kepada Raja dan Negara.

2009-03-16T12:47:00.005Z

Kat negara bawah angin....Malaysia sibuk dengan kekebalan....
Ghajo2 nak dibagi balik ilmu kobal eii tu.......walhal tahun 90 an dulu....ilmu kobal dio orang dah kono buang dek rakyat. Tulah permainan orang 'Tamak'. Rakyat gak yang jadi mangso. Yang kayo bertambah kayo...yang miskin bertambah miskin. Bondo ni terjadi di mano2 pelosok dunio ni.

Eden cukup tertarik dengan tulisan Hishamuddin Rais dari Jelebu.
Tajuk eii...'Akhirnya Tinggal Empat Ekor Raja'.

Untuk kombangkan minda kao orang tu...elok2 lah baco.....nie den bagi 'link' eiii...
http://mt.m2day.org/2008/content/view/18226/84/

Selamat membaco.......

Lesen Agong

2009-03-15T20:00:00.006Z

Sekarang ni den nak citor pasal lesen lak.

Maso den kocik2 dulu yang den tau,,,'lesen radio' yo. Maso tu ghumah den 'entertaiment' yang ado cumolah radio. Tu pun radio kocik yo.......... Radio cap 'National'. Maso tu, kalau kat kampung den....sapo yang ado radio bosar....kira hebat la. Dio orang panggil "Radio Grem". Bunyi ei camtulah.....mungkin ejaan ei salah. Sorry lah...den ni bukan pandai bona nak ejo.

Maso tu kito orang se'famili' suko lah dongar radio kocik ni. 'Peak Time' ei....maso bolah malam.......maso tu ado citor bersiri. Jadi, masing-masing melokap kat radio tu utk dongar citor ni. Masing-masing buat bayangan sendiri cammano watak pelakon dan tompek kejadian tu. Kalu mis satu episod......nyosa ghaso ei....sobab takdo siaran ulangan eii.....

Bilo bapak den pencen dari askar dan dok kampung.....dio 'upgrade' radio 'National' ni supayo setanding dengan 'Radio Grem'. Bunyi eii...berdotum......Tambah Speaker kiri kanan.
Ko orang nak tau.......kotak speaker eii lebar kurang sikit lebar pintu dan tinggi eii ...setinggi pinggang.......he he......bapak den buek sendiri. Dari boli papan kat kodai hardware Senaling, gergaji, kotam...sampai 'assemble' dio buek sendiri.
Maso tu den nak nolong?.........huh jangan harap........abih kuek pun den di'Arah' kan dok tengok dari jauh yo. Tapi sekarang ni...poti tu dah di'upgrade'kan lae.....jadi petarangan ayam (tompek ayam bertolo)

Satu bab lae........maso penguat kuaso nak cek 'lesen radio' nie...sapo2 yang takdo lesen tu siap sorokkan radio dio orang. Bilo penguaso tu tanyo.....ado radio tak?......Mungkin dio orang cakap.....'kito orang ni takdo radio,....kito orang nyanyi sendiri yo.....kadang-kadang nyanyi gilir-gilir bilo lotih.....bilo nak sodap sikit kito orang carik 'partner' untuk berduet'........ha ha ha 12x. Senget tak bunyi eii....

Bilo sekarang ni lak........ghupo-ghupo eii, banyak jenis 'lesen' nie. Ado yang namo lesen dan ado yang namo 'permit'. Nak dapatkan lesen ni.....macam-macam caro orang nak dapek kan eiii.
Ado yang kono 'ujian' dulu....kalau 'pass' baru boleh dapek. Kalau tak....ulang 'ujian' balik.
Ado yang takyah 'ujian'.....ulur 'Gambar Agong'........kao boleh dapek lesen. Sonang kan?
Tu yang dinamokan 'lesen terbang'.

Sapo2 yang takdo lesen dan berhati waja....atau hati koring.....bilo dio orang nak memandu kreto...dio orang pinjam pakai 'Lesen Agong'. Mungkin Agong takyah pakai lesen bilo dio bawak kreto. Jadi dio orang pijam jap lesen agong tu. he he he....jangan marah tuanku!

Kat sini lak....sapo2 yang bawak kreto tanpa lesen.....kalu kono tahan kat polis....kreto akan dirampas.....kao balik la naik teksi ko bas ko atau jalan kaki. Kalu polis tu baik....dio akan antar kao sampai dopan ghumah. Ramai gak yang kono camtu.....kesian kan. Kreto yang dirampas tu............kalau nak kuarkan, owner kono ado lesen UK. Tunjukkan lesen TV takleh doh (sini nak tengok TV kono lesen lae). Kalau takdo....suruh polis tu 'scrap'kan jer kreto tu.

Minggu lopeh ado sorang brader tu kono tahan dek polis. Polis check insuran kreto tu ateh namo pempuan (bini dio). Dio takdo insuran utk bawak kreto tu. Bilo polis tanyo lesen.......dio takdo pulak lesen UK. Last2 kreto kono 'tarik'.............dongar eii....brader tu 'scrap'kan kreto tu. Sobab 'cost' utk kuarkan kreto mungkin samo dengan hargo kreto tu.....

Tu la deh....lesen memandu Malaysia tak laku kat sini. Tapi kau orang nak tau....lesen Singapore dan Hong Kong laku kat sini. Pembesar2 kat M'sia tu tau masalah ni....tapi buek2 tak tau yo. Dio orang tu terlopeh pandang masalah ni maso buek apo2 perjanjian dulu....
Mungkin dio orang terlobih pandang kat minah saleh yang pakai mini skirt kot.. he he he.

Jadi sapo2 yang nak nak dok sini lamo tu.......tak payah buek lesen 'International' doh. Buek rugi jer. Lesen biaso tu bole laku sampai setahun. Pastu kono amik lesen sini pulak. Cam biaso lah....mulo2 amik 'L', pastu tu belajar memandu....pastu 'test drive'. Ghamai yang lulus dan ghamai yang lolos.

Orang kito yang datang sini pandai2 belako. Apo yang dio orang buek.....lesen memandu Malaysia tu..di'convert'kan ke lesen memandu Hong Kong...... pastu tu Lesen memandu Hong Kong tu di'convert'kan ke lesen memandu UK.
Jadi dapek lah 'lesen UK full' tanpa buek 'L', belajar memandu dan test drive.
Sonangkan? Tapi kono kuarkan sikit 'Pound' ler brader.......

Den pun buek camtu gak.....expired sampai 10 tahun tu.........sekarang ni kalau bawak kreto tak cuak lae doh..... bilo tengok polis.........siap angkek koning dengan dio orang lae....ha ha ha.

Penipu nak menipu lae.............Tipah ....jangan tertipu pulak...

2009-02-12T23:01:00.011Z

Bilo den takdo kojo ni, mulolah den buek kojo yang mengarut-ngarut.
Den selalu dapek 'junk' e-mail dari 'orang-orang kayo Africa'. Dio orang ni memang suko boto nak berkawan dengan den. Heran boto den. Nak kato kan den dari spesis dio orang.........jauh panggang dari api.

Bilo den tengok kat cermin.......den perati kan boto-boto muko den........takdo lak cam orang Africa. Still maintain cam 'Lelaki Melayu Terakhir'.

Berbalik kito citer 'orang kayo Africa' tadi.......dio orang tu ado yang dari Bukina Baso, Ghana, Nigeria, Ivory Coast dan pelbagai namo negara polik yang den tak ponah dongar. Ghamai boto orang kayo kat sanun. Ado yang pelombong emas, ado yang duit bertimbun dari peninggalan bapak ei yang dah mati, yang jadi manager bank pun ado dan sampai lah yang nak jadi kan den ni pasangan sehidup semati ei......heii ...goli den.

E-mail2 dari peminat den ni........kalu den rajin den baleh dan kalau maleh......... den tokan punat "delete" jer. Kalau den baleh tu.......maso den baik....den bagi nasihat.........tapi kalu maso tu tanduk den panjang......den maki hamun......siap den carut kan lae.....dlm bahaso apo pun den tak tau doh. Tapi selalu eiii............den maki jer orang camtu.

Kalu nak kiro .....ari-ari den monang loteri......macam2 loteri den monang........
Modus operandi eii...samo....mintak namo, alamat, no tipon dan warganegara.

Ado sekali tu den layan satu e-mail.
Dio kato.......namo eii "Chang" dari negara Chino.
Dio ni ado business kain dari Chino. Macam2 kain dio jual. Termasukah kain sutera, kain batik, kain kapan ...........dll kain lagi. Customer eii ..........ghamai kat Europe, termasuklah kat UK.
Dio ni nak cari "Book Keeper" untuk area Europe.
Kojo eiii sonang jer, kato si Chang ni.
Apo yang den perlu buek, den cumo perlu masukkan cek dari customer dio ke dalam akaun den.....pastu 90% dari jumlah cek tu bagi kat dio. Guno "Western Union Money Transfer".
10 % lae...untuk den.
Emmmmm bunyi eii...menarik....banyak tu beb!....tapi ingat....Penipu nak menipu lae......

Den tanyo dio.......'apolak ko tak suruh yo customer ko tu bayar terus kat ko?'
Dio jawab.........'kalu dio orang bayar terus kat dio....dio kono tax 25%, tapi kalu den transfer kat dio personal.......cumo kono 5% jer'
Hakkkk..anna....mamat ni punyo penipu!!!!!.........dio nak menipu lae.......
Dalam ati den.......'takpo...takpo......layan jer lah mamat ni....sampai mano dio bole tipu den'.
Den cakap ngan dio...."OK den bole jadi 'Book Keeper' dio".

Dio kato nak Namo ponuh, No tipon, Warganegara dan alamat den....sobab dio nak suruh "Customer" dio tu tulih cek ateh namo den dan pos kan ke alamat den.
Setakat tu...apolah sangat....den pun bagilah kehondak dio.

Sebolom tu den tengok dio ni pakai e-mail yahoo jer. Hakkk...anna....company nyer bosa...pakai e-mail free? apo kelas mamat ni.
Den mintak kat dio supayo bagi ler e-mail address company eii, alamat dgn no tipon sekali....sonang den nak contact.
Ko tau apo dio cakap?....Dio kato; 'dgn e-mail ni pun bole gak kito berkomunikasi....takdo hal lah bro'..... ..........Penipu nak menipu lae........

Den......layannnn..........
Lopeh banyak kali ber e-mail.....dio kato ado cek ateh namo den dari "customer" dio 'On the way".........maksud eii...posman tongah nak antar lah tu.
Esok ei tu den dapek cek ateh namo den.....puuhh.............banyak tuuu..........5,000 pound.
Den e-mail kat dio, den tulis....den dah dapek cek......
Dio kato.....bagus.....den ni jujur...ayat eii....cantik...berbungo2...dengan "God bless you" lah...........

Dio suruh den transfer kan 90% dari duit tu ke "Raw Material Supplier" dio kat UK bilo cek tu dah masuk dalam akaun.
Laa.......mamat ni.....Penipu nak menipu lae.......mano logik,...... raw material supplier kat UK, production kat Chino.....keh, keh, keh....Penipu nak menipu lae....

Ari tu ari jumaat....den pun poi lar "bank-in" cek tu dlm akaun den.
Pakai "ATM machine".....machine tu pun tak nak terima cek tu....ha ha ha.
Mesin tu pun tau.......Penipu nak menipu lae.......
Pastu den tanyo awek cun keja kat bank tu.....sabab apo cek tu tak leh masuk........
Den kalu nak tanyo......den pilih yang cun jer....he he he....selingan iklan sikit.
Dio kato takpo.......poi "bank-in" kat kaunter.
Kat kaunter kerani tu cakap...."alright".....malam ni amount tu masuk.
OK lah......den pun balik.....pagi esok eii tu...sabtu den buka internet banking....den tengok ado 5000 pound tu dalam akaun den. He he he.....suspen lak den......banyak duit dlm akaun......biaso eiii takdo.........hhaaaa tu la deh...... kalu selalu duit tak banyak........

Dalam e-mail si "Chang" tu lak suruh den transfer kat ke "Raw Material Supplier" dio dlm 1,000 pound dulu (dio bagi namo ei "John entah apo2 ntah")........urgent kato eiii kato. yang lain tu dio nak ari Isnin.
Tapi dio nak guno "Western Union Money Transfer" gak. Den cubo pancing dio...supayo guno internet transfer. Tapi dio tak nak..............Penipu nak menipu lae......
Den bg tau dio ari ni sabtu......semuo "Western Union Money Transfer Outlet' kat tompek den tutup.
Jadi den tak bole transfer........kalu transfer guno "internet banking"...bole sekarang....cakap den.

Ko org nak tau?.....sebolom tu "pastikan duit dlm akaun anda tak banyak".....kah 4x........Penipu nak menipu lae....
Last2 dio setuju..........pakai internet transfer.
Dio bagi namo, dengan no akaun sekali.
Namo yg dio bagi tu tak samolak dengan namo yang mulo2 tadi...........Penipu nak menipu lae....

Pastu den dapek call dari si 'John' ni...tanyo den dah transfer kan duit tu ko bolom.....dio nak 'urgent'. Gayo cakap eiii...den dah tau......mamat ni dari Africa. Sobab den tau Orang Africa cakap omputeh....tak puteh bunyi eiiii.........
Den cakap kat dio ...jap lae...nanti den 'transfer'.

Bilo den try "transfer" 1000 pound.......x bole.....kuar....'your balance not enough'.......
Ko bayang kan......kalu den ado banyak duit dlm tu....sah-sah....duit den terbang.
Memang laaa woi.........bilo bank-in 'cek' ...lopeh 3 ari baru duit tu clear. Tapi....nombor 5000 pound tu kuar dulu sebolom duit tu masuk.

Lopeh tigo ari....sahh.....den dapek surat dari bank yang menyatakan...cek tu 'return to sender' ......."Cek Palsu"...................Tipah x tertipu..........
Lopeh tu den sajo jer anta e-mail kat si 'Chang' ni...tanya khabar.....bisness sekarang camno......peh tu den siap tulih......den nasib baik tak rugi......1000 pound atau 4500 pound........
he he he.......

Sekarang ni den ado simpan sumo e-mail eiii, namo, no tipon dan no akaun "supplier dio". Kalu den report polis lak.........mesti polis sonang jer dio orang nak rush mamat ni.
Tapi den lum 'free' lak untuk kojo2 ni.

Hati-hati ko orang kat luar sanun..........Penipu nak menipu lae.........Tipah.....jago kao.....jangan tertipu lae..............

Beg Sekolah................

2009-02-12T22:36:00.008Z

Duo tigo ari lopeh den ado baco "news' dari Berita Harian......tontang budak poi skolah bawak beg kosong...taknak bawak buku teks.
Pehtu ado lah komen-komen, cakap2 sumbang, cakap2 sumbing dari tigo pihak.

Pihak pertamo dari cikgu2 dan cikgi2
Cikgu2 dan cikgi2 komen....takut nak togo...sobab nanti silap haribulan...dio orang ni balik....muko lobam2,.....balik skolah kono jalan kaki...sobab tayar kreto kono pancitkan dek bebudak skolah yang cam samseng skrg ni...... Jadi dio org buek tak tau jerlah.....
Pokok dek kao lah (satu2nyo pokok yang terdapat kat nogori sembilan).....nak belajar ko...x nak ko....suko ati mak bapak kao lah.

Pihak keduo...cerdik pandai dari "kementerian".......orang2 "somebody" ni lah konon eiii.......
Dongan lantang eiii...dio orang ni cakap......"Mereka (pelajar2) yg tak bawa buku ke sekolah ni perlu di hukum!.....pelajar yang camtu telah melanggar disiplin skolah....kerajaan dah peruntukkan berjuta2 hinggit untuk menyediakan buku2 teks yang berkualiti...dan berbagai lagi lah yang kerajaan dah buek.......konon eiii....

Dan pihak ketigo lak bagi komen.....sonang yo....
Berat sangat nak bawak......kah kah kahak tui.......
Pastu kalau bawak pun cikgu tak gunokan.
Bilo satu mato pelajaran sampai ado duo atau tigo buku teks camno?
Di buek eii ....satu ari ado lapan mato pelajaran......buntang mato.......

Sobut tontang beg sekolah ni....maso den sentart gunokan eiii dari skolah tadika.......sampai lah tingkatan limo. Macam2 fesyen beg skolah den bawak....dari yang cam kotak, sandang tepi....sampailah fesyen sandang kat belakang. Ponah den buek beg skolah sendiri maso den skolah rendah......siap jahit sendiri tu beb!......

Tapi yang paling lamo den pakai....beg sandang tepi. Den suko guno bahu bolah kanan........sampailah den dapek "cacat kekal" ..............bahu den senget sebolah. Tulah azab eii bawak buku skolah maso den skolah dulu. Agak2 kalu den nak saman "Kementerian Pelajaran" sobab bahu den ni bole x agak eiii...
Bahu ko org ado tak yang senget sebolah cam den? Kalu ado kito buleh buek club kot.....he3.5x

Skrg ni....den dapek tau.......anak buah den... Haq (kalu x silap)........ sampai terlontang dopan pintu ghumah eii kat Shah Alam bilo kuar umah nak poi skolah, sobab beg ei lae bosar dari badan...
Sian Haq...........

Kat sini lak....anak den si Aiman poi skolah....bawak "tapaw" jer utk makan tengah ari eiii......
Yang lain smuo skolah sediokan. Dari pensil, pen. pemadam, kertas....dan apo2 lae bersangkutan dengan pelajaran...smuo ado kat skolah. Takyah bawak doh. Den tengok skolah ei takdo lah secantik skolah kat M'sia. Kalu tengok dari luar tu ... uzur jer skolah ei.......tuo dah.
Baru2 ni skolah ei tu menyambut ulang taun ke 100.

Apo den nak tulih kat sini sebonar eii..adalah semato2 utk memberi tahu...........cerdik pandai yang dok kat kementerian tu tak buek kojo bona. Dio orang ni buek kojo utk syok sendiri yo. Kalu meeting....dari KL poi Sabah, Serawak, Penang, Langkawi.........hotel bintang limo....bukan eii apo........jelos pun ado gak.

Sobab apo den cakap/tulih camtu?
Sobab dio orang tu.....kojo utk dio orang sendiri...utk porut sendiri....Mr/Ms Yes Man. Kaki ampu...kaki bodek...kaki ayam.....dan berbagai kaki lae lah.
Orang suruh belajar Matematik dan Sains dalam bahasa Inggeris.....Yes Man.
Sepatut eii ...dio orang tu kojo utk "pelajar"....sobab "pelajar" adalah "Customer" dio orang.
Jadi kono lah buek "survey" dari pelajar. Bilo dah ado "survey" baru buek budget dari "survey" tu..........Tapi sebolom ni, dio org buat gak survey.....tapi survey ke "lain". Sah2 lah "budjet" tu ke lain........
Pastu sibuklah konon.............Jabatan sanun dah ado ISO........Jabatan sini dah ado ISO...............tapi.............hampeh, apo ke jadah semuo ni..........ISO (I Sign Only). Citor tentang ISO ni....montang montang lah dulu den ado pengalaman sikit tentang ISO ni (I Sign Only).

Ni yang den maleh nak menaip ni.....panjang ler pulak den melalut. Maso den pun dah suntuk ni.............maso kecederaan cakap orang sukan.

Jadi...apo idea ko orang untuk kes bebudak x nak bawak buku ke skolah ni?
Jangan lupo utk masukkan ke ruangan komen den tu......
Nanti den usulkan dalam meeting........kah khakhahak......tui...

OK lah den nak poi "stador" lak............Chaw Chin Chaw

Payah eiii nak Jumpo Doktor.

2009-02-05T13:04:00.003Z

Ari 28hb Jan lopeh.... ari Rabu.......gigi den sakit.
Poi klinik...konon nak tampal gigi, sobab dah ado lubang ler pulak.
Sesampai yo den kat klinik tu....."Hai yaaaa.....Excuse me...s@!##$%%^#&**....den cakap omputeh kat MiCi tu.
Peh tu MiCi tu cakap...."I am sorry love........*&$##%&%%$@#"......dio cakap den kono buek appontment kalau nak jumpo doktor. Ari Isnin dopan datang...kato eii.

Den cakap......"OOOOOhhhhh NOooooo......@$#$%^@$^&&*<>+_&^%#@" (mintak2 dio pahamlah apo den koba an. Setolah ditimbang kati, kilo, tan sumo...dio cakap kat den....."Alright...You can come tomorrow love". Perghhhh........logo sikit ati den .......tak do lah menahan sakit gigi lamo bona.
Lopeh dio bagi "slip apointment" tu den pun blah....."Alright Love, Thank you, See you latter, Byeee"........lopeh ber "bye-bye" ngan MiCi tu den pun blah....Den kok bab yang camtu....copek yo pandai eiii....

"Tomorrow" eii tu den pun poi ke klinik tu balik........kul 9.30 pagi.
Cam biasolah.....Sampai yo dalam klinik tu, MiCi semalam sambut den kat kaunter pendaftaran......."Hai yaa love, what can I do for you love"......
Den pun cakap den ado appointment dgn doktor. Dio suruh den duduk dulu.
Pehtu den dongar ....."Mr. Yusoff"......cambiaso lah.......tersodak bapak den kat M'sia agak eii....ado MiCi lain lak ajak den masuk bilik.............he he he........

Den pun masuk..........dalam tu ado sorang doktor. Den tengok dio dah macam..... ninja pun ado......macam Power Ranger Hijau pun ado.....hehe..he he dah siap pakai goggle, mask, sarung tangan, face mask, apron, dan entah apo2 lae yang di pogang ei kat tangan ei...... Dio pun tanyo apo masalah den.......biasolah, doktor mesti tanyo apo sakit pesakit eiii....bukan nyo bomoh...masuk2 yo dio tau....haa awak ni kono buatan orang ni.......atau ayat sandard yang lain.....kau ni terpijak,.,!@#@$^^....camtu lah lobih kurang.

Dio pun suruh den baring ateh "kerusi bole laras" ei tu.....
Di check eiii...di umpil eii gigi den.....ateh, bawah, kiri, kanan,....pehtu di X-Ray eii......
Dio cakap geraham den berlubang kiri kanan...duo2 bolah ateh.
Lubang ei dah dalam....jadi kono cabut ni....dio cakap (cakap omputeh).
Cam biaso..den pun baleh balik...."OH NOooooo.How I want to eat?"
Dio cakap takpo cabut doh....gigi lain banyak lae.........Hampeh boto doktor ni...graham den dah lah tinggal satu, dio suko-suko ati nak cabut, agak ei kojo mencabut ni paling sonang bagi doktor gigi kut. Den cakap den nak dio tampal yo... "keep it"...sayang.....cakap den.

"Alright...kato doktor tu.
"Puuh nasib baik"....kato den dalam ati.
Pehtu dio pun tulih ntah apo2 kat keretas....peh tu dio bagi kat den.
Dio cakap, "Alright...@$%%^^&^*((^%$@@@......bagi ni kat MiCi luar tu utk appointment selanjutnya".
Haah.......you can't fill it now? kato den.

Dio cakap "sorry......@#$%%$$##$%%.......dio takleh buek skrg sobab procedure dio kojo memang cam tu.
Bengang....hampeh boto lah......@##$^$%$..... den pun, nak tak nak...cakap "Tengkiu", dan blah keluar. MiCi kat Luar lak cakap...appointment paling awal den boleh datang pado 5hb Feb. (seminggu lopeh tu). Umang eiiii......huuuuaaaaaaa.........gigi den berdonyut2 bilo dio cakap camtu.
Apo nak buek jang!!!!!....camtu lah kalu nak jumpo doktor kat sini........dah parah baru bole jumpo. Kalau setakat domam tu....jangan harap dapek jumpo. Kalu poi pun buek sakit ati yo.......abih kuek pun makan lah panadol....pehtu minum air kosong bebanyak-banyak.....sampai elok sendiri.

Ari ni 5hb Feb......12.30 t/hari tadi den poi klinik. Salji tongah turun....maso, sojuk2 ni...gigi ni memang tak tahan...dio memang berdonyut punyo.
Sampai...masuk jumpo MiCi...tunggu jap....masuk bilik...jumpo doktor ari tu...dok ateh kerusi bole laras ei...dio pun tanyo...nak buek bolah mano dulu?....Den koba kan...Bolah kiri dulu sobab dah sakit please....Kat sini setiap ayat yang kuar dari mulut dio orang, mesti ado please ujung eiii. Konon ei berbudi bahaso bonalah dio orang tu. Den pun ikut lah camtu gak.

Umak aiii....nak tampal gigi pun kono bius?......satu das den kono enjek kat gusi.
Tapi maso dio buek kojo tu tak do lah raso ngilu....relak yo.
Bilo siap satu lubang, dio tulih lae ntah apo2 dlm kretas...bagi kat den....soh bagi MiCi kat luar utk Appointment seterus eiiii.........

Huuuaaaaaaaaa.........dio tak bole tampal yang sebolah lae!!!!!...... Kono datang lae minggu dopan... ari Isnin............
Terbang duit den Pound Sterling 44.60 !!!!

PAYAH eii Nak Jumpo Doktor.

Keretapi......

2009-02-04T18:06:00.021Z

Maso jaman Eden kocik2 dulu kalau naik keretapi ni, dah kira hebat giler lah tu. Eden ingat lae, maso tu Eden darjah satu kalau tak silap. Bapak Eden nak bawak adik bongsu den jejalan poi Kluang, Johor naik keretapi. Dio nak poi berduo yo dengan alasan orang lain dah naik.
Eden pun nak ikut gak.
Bapak Eden tak bagi...dio kato Eden dah naik dulu.
Ini tidak adil.......kata p.Ramli.

Entah camno agak eii.......maso tu den dapek idea bernas......tak tau ler...maso tu beras bernas dah ado ko lum. Den cakap kat bapak den yang den dah lupo camno ghaso naik keretapi tu camno. Setelah ditimbang-timbang.......dicampur-campur....ditolak-tolak...alasan Eden tu bole diterimo pakai maso tu.....jadi dapeklah Eden ikut.

Yang lain yang takleh ikut tu....jangan jelesss......Jadi kito orang bertigo pun poi ler ko Kluang ni......stesen keretapi yg terdokek dengan umah Eden ialah Tampin.

Poi Kluang tu pun bukannya ado apo-apo pun.....Sajo yo. On the way tu...den nengok kiri kanan hutan + pokok gotah jer. Apo yang bestnyo pun entah...tak tau ler. Yang pasti eii dapek ikut jejalan.
Sampai jer ari dah potang, check-in kat Hotel........ bintang berapo den pun tak tau. Yang den tau Hotel tu....kat bawah eiii restoran mamak..........dah sah2 ler rumah tumpangan Ah Chong kut.

Malam tu tengok wayang...esok eiii, lopeh sarapan....kito org pun balik ko Kolo Pilah.......dapek den naik keretapi.......yeeh..yeeeeehhhhh (bunyikan macam rocker M'sia yg pakai topeng tu).

Agak ei tahun bilo nyo kepalo keretapi yang KTM pakai ni...

Tapi maso ni lak.......bebudak poi sekolah naik keretapi.......Letrik lae.
Bilo sampai sini den ado la poi stadium.....upsss muzium keretapi kat York. Kalau kat M'sia tu macam kat Tampin gak lah tompek ni.

Yang kat ateh tu keretapi jaman dedulu........banyak kepalo keretapi disimpan eiiii lagi kat sini.

Bogreh (Beras) Punyo Cito

2009-02-02T21:23:00.009Z

Tongah Eden naip blog ni tadi...tetibo Eden dapek satu call......
Tengok kat screen hp kuar namo Marsoni.
Marsoni ni sorang saudagar bogreh kat UK ni. Ghaso ei dio ni orang Melayu pertamo jadi saudagar bogreh kat sini. Maap ler kalau sebolom ni dah ado yg jadi saudagar borgeh kat sini yo...Eden tak tau lak.....

Eden suspek ....oopsss respek dengan brader ni. Dio bole import bogreh dari Pakistan...pastu bole jual lak kat orang Pakistan kat UK ni. Orang pakistan kat sini pun teruja dengan apo yang dio buek. Sebolom ni ado la Eden ikut dio hantar bogreh...ke selatan sampai Bristol....ke utara sampai Edinburgh. Ponah sekali satu malam lori kito orang kono kojar dek antu.....

Ari rabu ni...dio nak balik M'sia....ado perjumpaan dengan Mara dan Pengusaha Tempatan (M'sia). Dio plan nak bawak masuk Halal Food dari M'sia plak. Banyak duit brader nie.....

Nie dio punyo website: http://www.mp-riceworld.com/
dan yang nie lak Eden nyo Kodai: http://srinura.wordpress.com/
Sekarang ni Eden ado jual bebarang nie secara atas garisan...cakap omputeh ei.....on-line..camtu lah lobih kurang....

Sebonar ei...dio tipon Eden nak bagi kojo,,,,hantar bogreh ko London. Lopeh ni bole lah den buek marketing dengan dio ke seluruh UK ni. Plan sampai satu Europe...Amacam OK tak.

Tapi apo yang den kono buek dulu???
1. Dapekkan Lesen Memandu UK.
2. Repair clucth kreto.

Tapi sebolom Eden buek duo bondo tu....Eden kono ado duit dulu........
Bila mau gaji daaa......Gaji dapek ari jumaat ni.

Jadi sekarang ni Eden kono duduk ontok2.......No Money, No Talk.......

Salji Tebal Melanda Britain - Terburuk Dalam 18 Tahun

2009-02-02T19:30:00.017Z

Potang tadi..... lopeh balik dari kojo Eden poi main salji dengan anak Eden Aiman kat padang skolah ei...
Ado lah separas buku lali. Dokek tompek Eden duduk ni salji tak toba bona....Dio orang cakap sobab paneh....kari Pakistan banyak kat sini.

Maso Eden makan malam tadi....bini den cakap dio balik naik Tram (apo Tram tu? keretapi letrik...nanti den citor pasal Tram ni). Selalu eii dio balik naik bas. Bas sumo takleh jalan sobab jalan licin. Jadi nak tak nak dio kono naik Trem. Pastu dio turun kat Tinsley. Tinsley tu daerah eii jauh dari umah den duduk ni. Nasib baik ado kawan ei si Laily balik samo dengan dio. Sampai kat Tinsley, suami si Laily tu (Ustaz Hasri) ado nunggu. Jadi Ustaz ni lah yang anta bini den balik umah. Nak suruh den jomput.....huhh....kreto den kat dopan umah tu pun dah sebulan tak jalan.
Clutch dah abih daaa.......

Den ado baco news .....banyak public transport takleh jalan. Bas, Keretapi dan Flight cancelled. Feri takdo lak dio orang cakap...mungkin 'no hal' kot..bole jalan ler tu.

Kalu camni bosar kemungkinan esok den takyah susah2 poi kojo...
Doa2kan ler salji turun lobek malam ni........

Lopeh makan bini den ajak main ..........main salji daaa....kau ni apolah......pikir ke lain lak.
Eden standby kat dalam ghumah aje ler...sojukkkkk.
Mak mentuo den pun main sekali.....nahhh...kau.....

Target dalam kehidupan Eden.

2009-02-02T18:24:00.007Z

Eden mengenal erti Target nie maso Eden skolah rendah lae. Maso tu lum tau lae pasal PDCA (Plan, Do, Check and Action) nie....
Maso tu Omak Eden selalu asak Eden....Belajar sungguh2....ko nak jadi Orang tak.....ayat standard yg selalu kuar dari mulut eii.
Ayat standard yg lain....Kau nak ko sungkuk sangkak dalam kobun gotah bilo dah bosar sok.
Kalau ko belajar pandai2, sonang sok...kojo dalam ekon.....

Maso den nak amik perikso darjah limo (maso tu penilian darjah limo) omak Eden cakap...kalau ko dapek limo A omak antar skolah asrama ponuh, Maso tu yg Eden tau skolah MCKK....sobab dio selalu cakap skolah tu...

Bilo result Eden kuar....huuh....kau tau apo Eden dapek?
Memang Eden dah Target........sah.....tak dapek limo A.
Eden dapek 3A, 1B dan 1C.
Satu lagi Eden nyo target boto......Eden dapek C dalam Bahaso Inggeris.
Entah apo lombab bona lak agak eiii......sampai sekarang ni Bahaso Inggeris Eden maintain yo camtu...

Ni nak cito sikit tontang Bahaso Inggeris ni......
Walau pun Bahaso Inggeris Eden tu maintain...tapi maso Eden poi negara Chino...dio orang puji Eden cakap Bahaso Inggeris. Dio orang cakap dio paham apo Eden cakap kat dio orang.
Maso tu den nak tergolak pocah porut dongar eiii....
Dio orang bagi tau ...sebolom Eden poi situ, ado Manager satu company dengan Eden jumpo dio orang...tapi dio orang tak paham apo manager tu cakap.....kah kah kah....
Mamat manager tu cakap omputeh standard kat dio orang,.......yang Eden ni cakap dengan dio orang kekadang campur cakap Melayu....

Satu lae cito...kalau ko nak tau......den ponah ajar omputeh cakap Inggeris. Maso tu den poi Slovakia dengan Syed....
Maso tu sibuk ajar minah omputeh kat situ cakap omputeh.........sampaikan si Syed ni lupo dengan janji eiii nak tipon bini kat kampung...pastu siap bagi alasan...ribut salji....hah ha ha ha....
Steady Syed....dongar eiii dio nak kojo kat Pos Malaysia lak....

Sampai sini dulu Eden nak cito tentang Target dalam kehidupan Eden....sebona ei...banyak lae nak cito ni....
Nanti kito sambung lae.....sobab bini den dah balik.....nak makan malam.
Cheers mate.

Eden nak kona an Eden ni sapo...

2009-02-02T18:07:00.005Z

Sebolom den poi lobih jauh...sampai ko bulan ko...Mars ko....Eden nak kona an Eden ni sapo.
Namo Eden ni banyak....ikut orang la sapo yg panggil.

Dalam Surat Beranak: Khair Annuar bin Mohd Yusoff
Omak dan Bapak Eden panggil Ujang
Akak2 dan sepupu bolah Omak panggil: Kudang.
Pokok ei...sapo yg lae tuo dari den dio lae suko panggil namo tu.....namo manjo kato eiii.
Yang lae mudo dai den dio org panggil Abang Kudang, Abang Ujang pun ado yo.

Tapi yang paling hangat di pasaran dio org panggil Ujang Bosi. Mungkin maso Eden kocik2, apo yg den pogang lingkup kut...ha ha ha.
Adik dan Anak2 buah bolah Eden panggil: Alang atau PakLang

Mak Mentuo Eden panggil Tam
Akak2 dan Abang Ipar den panggil Nuar.
Anak2 buah bolah bini den panggil Cik Tam.

Sepupu bolah bapak Eden ado yg panggil Dik Dang dan Pak Lang.

Kengkawan Eden panggil Nuar atau Khair.
Selalu ei....bilo den berhijrah ke satu tompek Eden akan introduce namo Eden Khair....bilo poi tompek lain lak.....Nuar.

Tapi bilo den duduk England ni....omputeh panggil Eden dengan namo Bapak la pulak.....
Tu lah bab Namo Eden....

Eden From Kolo Pilah

2009-02-02T18:02:00.002Z

Salam Semuo.
Eden ni bau nak berjinak-jinak dengan komputer. Bak kato oghang tu...Ese Budak Bau Belaja....
Ni nak cubo buek blog sendiri lak...
Oghang nak buek blog..den nak buek blog.....
Tengok lah nanti apo jadi eiiii.